กามธาตุยา ทฺวีสุ เวทนาสุ ตโต ภวราคานุสเยน จ ปฏิฆานุสเยน จ นิรนุสโย, โน จ ตโต กามราคานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโยฯ อปริยาปนฺเน ตโต ภวราคานุสเยน จ นิรนุสโย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโย …เป.…ฯ (ปญฺจกมูลกํ)

[120] (ก) ยโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ นิรนุสโย ตโต อวิชฺชานุสเยน นิรนุสโยติ? อามนฺตาฯ

(ข) ยโต วา ปน อวิชฺชานุสเยน นิรนุสโย ตโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ นิรนุสโยติ? อามนฺตาฯ (ฉกฺกมูลกํ)

(จ) ปฏิโลมปุคฺคโลกาสา

[121] (ก) โย ยโต กามราคานุสเยน นิรนุสโย โส ตโต ปฏิฆานุสเยน นิรนุสโยติ?

ตโย ปุคฺคลา ทุกฺขาย เวทนาย เต ตโต กามราคานุสเยน นิรนุสยา, โน จ เต ตโต ปฏิฆานุสเยน นิรนุสยาฯ

เตว ปุคฺคลา รูปธาตุยา อรูปธาตุยา อปริยาปนฺเน เต ตโต กามราคานุสเยน จ นิรนุสยา ปฏิฆานุสเยน จ นิรนุสยาฯ ทฺเว ปุคฺคลา สพฺพตฺถ กามราคานุสเยน จ นิรนุสยา ปฏิฆานุสเยน จ นิรนุสยาฯ

(ข) โย วา ปน ยโต ปฏิฆานุสเยน นิรนุสโย โส ตโต กามราคานุสเยน นิรนุสโยติ?

ตโย ปุคฺคลา กามธาตุยา ทฺวีสุ เวทนาสุ เต ตโต ปฏิฆานุสเยน นิรนุสยา, โน จ เต ตโต กามราคานุสเยน นิรนุสยาฯ เตว ปุคฺคลา รูปธาตุยา อรูปธาตุยา อปริยาปนฺเน เต ตโต ปฏิฆานุสเยน จ นิรนุสยา กามราคานุสเยน จ นิรนุสยาฯ ทฺเว ปุคฺคลา สพฺพตฺถ ปฏิฆานุสเยน จ นิรนุสยา กามราคานุสเยน จ นิรนุสยาฯ

(ก) โย ยโต กามราคานุสเยน นิรนุสโย โส ตโต มานานุสเยน นิรนุสโยติ?